Германската економија во најлоша состојба од 1990 година

Бизнис расположението во Германија во март забележа најголем пад од повторното обединување на земјата во 1990 година, објави денес Институтот за економски истражувања Ifo.

Германскиот индекс за деловна клима Ifo падна на 86,1 во март од 96,0 во февруари. Тоа е показател дека е и помал од очекуваниот 87,7 и последен пат беше  на тоа ниво во јули 2009 година.

„Германската економија е во шок“, објави институтот Ifo на Твитер.

Најновите бројки доаѓаат затоа што германската и светската економија се соочуваат со многу неизвесности поради пандемијата коронавирус. Вирусот кој се појави во Кина кон крајот на 2019 година, ги запре сите големи светски економии.

Многу земји се во фази на национален карантин, што значи дека се отвораат само аптеки и продавници за прехранбени производи, авиокомпаниите генерално престанаа да полетуваат, а бројот на нови потврдени случаи од ден на ден се зголемува.

Очекувањата меѓу германските компании се “поцрни од кога и да било”, порачуваат од институтот Ifo.