Епидемијата на вирусот корона предизвика огромни негативни последици врз пазарот на труд во Австрија, каде само за една недела повеќе од 115.000 луѓе останаа без работа.
Од почетокот на примените на мерките за ограничување на слободата за движење, од минатиот понеделник, бројот на регистрирани невработени е зголемен за 115.600, изјави директорот на сервисот за вработување (AMS) Јоханес Копф за агенцијата APA.
Така, само од гастрономија се пријавени 41.000 дополнителни невработени, а 14.000 во градежништвото.
За споредба, на крајот на февруари во Австрија биле регистрирани околу 400.000 невработени, а тој број сега надминал половина милион.