Цената за наем на станови во Хонг Конг паѓа и до 25 проценти.
Невработеноста достигнала рекордни 3,7 проценти, а многу странски компании го намалуваат бројот на вработени, поради што голем број странски експерти го напуштаат градот.
Цените за наем на станови во Хонг Конг паѓаат веќе седми месец по ред, прво поради есенските немири и продемократските протести, а сега поради кризата со пандемијата коронавирус. Цените најмногу паднале на елитните локации за луксузни станови со месечен наем од 13.000 американски долари, каде цените паднаа и до 25 проценти.
Но, цените паѓаат и во другите делови на градот поради зголемениот одлив на странски државјани кои поради падот на економските активности ги губат работни места во своите компании, каде падот на цените е помеѓу 10 и 20 проценти, во однос на почетокот на минатата година. Денес, во Хонг Конг се наоѓаат станови за наем по цена од 50 долари за метар квадратен.
Коментари