Побарувачката за станови во Русија во последните неколку дена е скоро двојно зголемена, покажуваат податоците на сервисот за пребарување на недвижнини Cian.
Руските медиуми пренесуваат дека за само неколку дена, бројот на оние кои барале стан за купување е зголемен за 54 проценти и од средината на март достигна максимум од почетокот на оваа година.
Сигурно е дека кризата поради коронавирусот се одрази и на пазарот на недвижности во Русија.
Експертите тоа го поврзуваат со наглото слабеење на рубљата па граѓаните брзаат заштедата да ја инвестираат во недвижнини.
Во меѓувреме, дојде и до пад на цените на становите. Во оваа ситуација, продавачите брзаат да ја завршат работата што е можно побрзо додека клиентите сè уште имаат пари.