Многу компании веќе имаат проблеми со пандемијата коронавирус, а економската криза ќе исплива појасно дури во наредните месеци.
Владите ширум светот се обидуваат да го запрат ширењето на коронавирусот SARS-CoV-2, кој ја загрозува економијата на глобално ниво. Легендарниот американски инвеститор Џим Роџерс веќе не поставува прашање дали финансиските последици од пандемијата ќе бидат големи, но е сигурен дека нè чека најголемата економска криза досега, објави RT.
Според него, многумина ќе страдаат поради последиците од пандемијата коронавирус, бидејќи тие ќе бидат видливи откако ќе го спречимe и совладаме вирусот.
„Веќе реков за RT дека следниот финансиски проблем ќе биде најлош досега“, изјави Роџерс, истакнувајќи дека веќе се упативме кон “финансиската криза која ќе ја доживееме за неколку месеци”.
Според овој легендарен инвеститор, многу индустрии, како што се авионската и туристичката, ќе претрпат големи штети. Компаниите со големи долгови особено се загрозени сега, а особено оние кои учествуваат во меѓународната трговија.
Некои од нив ќе банкротираат – изјави тој, додавајќи дека авиокомпаниите и превозните компании веројатно ќе ги спасат државите затоа што секој друг исход ќе биде “срамен”.
Што се однесува до немирите на финансиските пазари, повеќето пазари не беа подготвени за глобалната здравствена криза и не знаеа дека таа доаѓа. Сепак, причината за овој хаос, според Роџерс, “не е само вирусот, туку многу повеќе од тоа”.
Бидејќи ситуацијата е неизвесна, тој ги советува инвеститорите да ги инвестираат своите пари “само во тоа за што знаат најмногу”.
Коментари