Рускиот претседател Владимир Путин изјави дека кога станува збор за пандемијата коронавирус, треба да се биде подготвен за секое сценарио.
Путин е во дводневна посета на Крим, по повод одбележување на шеста годишнина од анексијата на полуостровот на Русија. На состанокот со в.д. Гувернерот Михаил Развожајев, Путин изјави дека локалните власти постапуваат во дадената состојба како што треба.
Развожајев го известил претседателот за мерките кои се преземени во тој регион за да се спречи ширењето на коронавирусот, наведувајќи дека 77 лица превентивно се наоѓаат во изолација дома, а осум на инфективната клиника.
Коронавирусот не е регистриран кај ниту еден жител на Севастопол, додаде Развожајев.
Според него, во регионот се воведени мерки за зголемена подготвеност и се одложени сите масовни манифестации, вклучително и оние по повод годишнината од анексијата на Русија.
„Треба да се биде подготвен за секое сценарио, така да постапете правилно“, изјави Путин.
Во Русија досега се регистрирани 147 случаи на коронавирус, а едно лице почина.
Коментари