Корекциониот раст на цената на суровата нафта Брент утрово нагло забрза и надмина 5,5 проценти, покажуваат податоците на берзата.
Во 7,13 часот по средноевропско време, цената на мајските фјучерси за северноморската мешавина нафта Брент скокна за 5,63 проценти – на 26,27 долари за барел. Неколку минути порано, цената на Брент достигна 27,11 долари за барел. Цената на мајските фјучерси за нафтата VTI се зголеми истовремено за 12,48 проценти – на 23,43 долари за барел.
Во средата, за време на тргувањето цените на нафтата паднаа за 13-21 проценти. Суровата нафта Брент достигна минимумот од 12 мај 2003 година – 26 долари за барел, а цената на VTI – минимумот од 1 март 2002 година, и изнесуваше 23 долари за барел.
Котацијата на нафта и девизниот курс се срушија по вестите дека членовите на Организацијата на земјите извознички на нафта (OPEK) не успеале да го продолжат договорот за намалување на производството. Така, суровата нафта Брент на почетокот на минатата недела достигна минимум од јануари 2016 година, а типот VTI минимум од февруари истата година. Уште еден фактор кој влијае на националната и светската економија останува пандемијата на коронавирусот.
