Компаниите ширум светот се во глобална трка за откривање лек за коронавирусот. Кинеските компании исто така бараат волонтери за тестирање на девет видови вакцини против коронавирус.
Во трката за што брзо откривање на вакцини за COVID-19, некои компании во САД веќе влегоа во клинички испитувања. Забрзано им се придружуваат и оние кинески кои досега развиле девет потенцијални вакцини кои сега бараат длабоки испитувања.
Кинескиот производител на вакцини CanSino Biologics од Тијанџин објавил дека бара доброволци на возраст помеѓу 18 и 60 години, за клиничко испитување во траење од 6 месеци. Наведува дека вакцината е развиена без заразни материи, сигурна и стабилна. Оваа вест дојде еден ден по објавувањето за почетокот на тестирање во Америка.
И многу други кинески компании најавуваат започнување на тестирање, најавени за средината на следниот месец, од вкупно девет кинески компании кои индивидуално работат на вакцината. Пред две недели кинескиот претседател нареди побрза работа на кинеските лаборатории на откривање на лекови за COVID-19.
Коментари