Златото би можело да биде “еден од профитерите” во глобалната паника на берзите предизвикана од руско-саудискиот нафтен конфликт и епидемијата на коронавирусот.
Овие оцени ги изнесе директорот за истражување во компанијата NKST analytics, Алесандро Бруно.
„Русија веројатно би можела да ја издржи кризата со цената на нафтата подолго од Саудиска Арабија, благодарение на финансиската политика на Москва во последниве неколку години, особено акумулацијата на резерви на злато“, изјави Бруно за Russia Today.
Тој додаде дека „еден од добитниците во оваа криза веројатно ќе биде златото“.
„Да не заборавиме, Русија и Кина акумулираа големи количини на злато“, истакна тој.
Цената на златото го надмина седумгодишниот максимум во понеделникот, растејки над нивото од 1.700 долари за унца, бидејќи инвеститорите се свртеа кон инвестирање во тој сигурен имот по масовната распродажба на берзите, која предизвика страв од економски последици од коронавирусот и разликите помеѓу ОПЕК и Москва по прашањата на уште поголемо намалување на производството на нафта.
Цената на овој скапоцен метал се консолидираше денес на ниво од 1,661 долари за унца.
Коментари