За што разговарале Трамп и Саудискиот принц?

Белата куќа потврди дека Доналд Трамп разговарал на телефон со саудискиот принц Мохамед бин Салман.

Како што наведоа, се зборувало за големите загуби на пазарот на нафта по одлуката на Ријад да произведува значително поголеми количини нафта.

Овој разговор се случил во понеделникот, а разговарале и за „други критични регионални и билатерални прашања“. Сепак, деталите од разговорот не се објавени.

Државите членки на Организацијата на земјите извознички на нафта (ОПЕК) не успеаа да се договорат за мерките за намалување на производството на нафта.

По тоа, Саудиска Арабија одлучи да го зголеми производството на нафта.

Амин Насер, извршен директор на Saudi Aramco, изјави дека компанијата ќе испорачува на своите клиенти 12,3 милиони барели дневно.

Тоа е 300.000 барели над капацитетот и повеќе од сегашните 9,7 милиони барели дневно, кое ги пумпа Кралството. Во меѓувреме, извештаите сугерираат дека Саудиска Арабија се соочува со внатрешна криза, бидејќи бројни принцови, наводно, се обиделе да го соборат Мохамед бин Салман. Се наведува и дека неколку принцеви биле уапсени потоа.