Пазарите на криптовалути паднаа по остриот пад на цената на нафтата и продажбата на акции.
Пазарната капитализација или вкупната вредност на криптовалутите е намалена за 26,43 милијарди долари во однос на претходниот ден, според податоците на Coinmarketcap.com. Распродажбата се влошуваше како денот одминуваше.
Биткоинот, најголема криптовалута по вредност, падна преку 10 проценти во рок од 24 часа.
Насилното распродавање на пазарот за криптовалути доаѓа откако меѓународната референтна вредност на суровата нафта брент падна за 30 проценти до 31,02 долари по барел, на најниско ниво од февруари 2016 година.
Тоа го поттикна Саудиска Арабија која ги намали официјалните продажни цени на нафтата, откако ОПЕК не успеа да договори намалување на производството. Тоа доведе до страв од војна со цените на нафтата. Брент оттогаш подмири некои свои загуби.
