Директорката на Меѓународниот монетарен фонд (ММФ), Кристалина Георгиева, изјави дека е јасно дека глобалниот раст во 2020 година ќе биде далеку под нивото од 2019 година.
Причината за ова е ширење на коронавирусот.
Таа додаде дека 189 земји членки се посветени на борбата против вирусот, кој претставува сериозна закана за светската економија.
И покрај ова, глобалниот финансиски систем е многу построг отколку пред последната финансиска криза од 2008-09 година.
Георгиева истакна дека е „неопходна доволна ликвидност за одржување на финансиската стабилност“.
