Германија во борбата за привлекување на стручњаци во земјата донесе нов Закон за имиграција на квалификувани работници, но и овозможи голем број начини за олеснување на пребарувањето за работа во таа земја.
Законот стапи во сила на 1 март 2020 година
Се проценува дека до 2030 година на најголемата европска економија ќе и недостасуваат дури 6 милиони работници, а во моментов особено се барани експерти во областа на медицината, машинската, автомобилската и електротехничката индустрија.
Неодамна започна со работа и веб страницата „Make it in Germany“ преку која граѓаните може да се информираат за тоа дали исполнуваат услови за работа во најголемата европска економија, да бараат огласи за работа, да дознаат каква работна сила се бара во Германија, но и како изгледа животот во оваа земја.
На порталот особено се истакнуваат професиите за кои постои најголема побарувачка.
Доктори
Во истражувањето, медицинската професија е постојано една од најпочитуваните во Германија. Меѓутоа, тамошните болници се борат со недостигот на лекари многу години и низ целата земја има потреба од неколку илјади дополнителни лекари. Како што се наведува на порталот, ова барање ќе продолжи да расте и во наредните години, особено затоа што многу лекари наскоро ќе заминат во пензија.
Во Германија, лекарите работат во болници и во приватни лекарски пракси. Просечната почетна плата за дипломирани студенти по медицина е, како што се истакнува, повисока отколку во било која друга област и во моментов изнесува околу 52.000 евра годишно. Во просек, лекарите во Германија се плаќаат повеќе од која било друга струка.
Во приватната пракса, пред сè, има потреба од лекари по општа пракса, особено во источна Германија и руралните области, каде често има тешкотии при регрутирање на лекари за пополнување на пракса кога тие ќе станат слободни. Овие недостатоци, како што додаваат, наскоро ќе се прошират и во другите региони на Германија и другите области на специјализација, бидејќи многу лекари ќе треба да се повлечат и во наредните години.
Инженери
Како што наведуваат на страницата, има потреба од нови работници во сите сектори, но особено во областите на машинската, автомобилската и електротехничката област. Изгледите за работа се исто така добри и во областа на градежништвото.
Во германската индустрија, многу членови на одбор и управни директори на производствени компании го започнале својот работен век како инженери. Таквите големи перспективи се рефлектираат и во висината на плата. Оние кои да кажеме имаат дипломи во електротехниката или градежништвото, можат да очекуваат просечно да заработуваат помеѓу 40.000 и 45.000 евра годишно. Приходите се зголемуваат со секоја година на работа, достигнувајќи го нивото од околу 55.000 до 68.000 евра по 10 години. За студенти од универзитет, просечната заработка во некои области може да се искачи и повеќе од 74.000 евра годишно.
Иако повеќето се STEM (наука, технологија, инженеринг и математика), работни места може да се најдат во приватниот сектор, германската држава исто така обезбедува вработување во оваа област, финансирање на низа светски научни-технолошки истражувачки институти, како што се Max Planck Society и Fraunhofer Society, наведуваат на страницата.
Сепак, не се само институциите за истражување кои бараат квалификуван, нов персонал. И на индустријата и е се потешко да најде дипломирани студенти за STEM предмети. Покрај инженерите, постои и голема побарувачка за научници, математичари и ИТ професионалци. Како што истакнуваат, не се само германските производители на автомобили и инженерските компании меѓу најдобрите во светот: некои од глобалните играчи во хемиската и фармацевтската индустрија се исто така од Германија. Ист случај е и за германскиот биотехнички и нанотехнички сектор. Во сите овие области, побарувачката за првокласни научници е постојано голема.
Слично на тоа, многу поголеми компании од целата германска економија потребни се ИТ професионалци за извршување на различни задачи, а постои голема побарувачка за математичари, особено во банките и осигурителните компании.
Во споредба со дипломираните студенти од други дисциплини, на STEM дипломираните лица е поголема веројатност дека ќе им биде понуден постојан договор при влез на пазарот на трудот и имаат значително поголем потенцијал за заработка.
Просечните почетни плати за STEM дипломирани студенти се помеѓу 40.000 и 43.000 евра годишно. После 10 години професионално искуство, нивото на плати се зголемува во просек околу 69.000 – 86.000 евра.
Негуватели
Секој што сака во Германија да се занимава со овој бизнис, мора да има лиценца. Со цел професионалните квалификации да бидат препознаени, честопати е потребен курс за адаптација за да се усогласи својот јазик и професионалните вештини усогласени со барањата. Пријавите за признавање на професионални квалификации мора да бидат доставени до надлежниот орган на германската земја во која имате намера да работите.
Ако сте се стекнале со квалификации за нега во странство, мора да се признаени во Германија. Надлежниот орган ќе провери дали професионалните квалификации кои сте ги стекнале во странство се потполно еднакви со соодветните квалификации издадени во Германија. Ако тоа не е случај, можете да се пријавите за курс за прилагодување. Заработката зависи од областа на работа и нивоата на квалификации.
Со цел да барате вработување во сектори во кои Германија страда од недостаток на квалификувани професионалци, мора да исполнете одредени услови, но и нострифицирана диплома.
