Од година во година, се зголемува потребата за брзи, безбедни, едноставни и лесно достапни трансакции, што ги прави актуелна тема во дискусиите за иднината на банкарството.
Континуираната дигитална трансформација, не само во банкарскиот сектор, туку и во целата услужна индустрија, поради што доаѓа до се поголема потреба за решенија кои ги нудат fintech компаниите, покажува дека развојот добива на интензитет, но сè уште не го достигнал врвот. На самиот почеток, fintech стартапите беа фокусирани на тесна група на корисници, но секојдневното унапредување на нивниот бизнис на дневна основа резултира со ширење на услугите, но и зголемена конкуренција. Од 2018 година, работата на fintech стартапите станува глобална, а 2020 година носи нови трендови во финансиската деловна индустрија.
Финансирањето на fintech компаниите, кои ретко се одлучуваат да излезат самостојно на пазарот, продолжува да поставува рекорди – 2019 година ја надмина 2017 година, достигнувајќи 24,6 милијарди долари за прибирање финансиски средства до крајот на третиот квартал, а во иднина инвестициите уште повеќе ќе се зголемуваат.
Според извештајот на CB Insights, Агенција за истражување на пазарот спроведен во рамките на Mastercard Start Path програмата, се изучуваа најновите трендови кои во текот на оваа година ќе ги одбележат пазарите во пет географски области: Европа, Северна Америка, Азија, Латинска Америка и Карибите и Средниот исток и Африка.
Ревидираната Директива за услуги за плаќање на Европската унија, PSD2, е ажурирана верзија на оригиналната директива на која ЕУ работеше во 2009 година а со која сака подобро интегрирање на внатрешниот пазар за електронски плаќања. Усвоената регулатива е да се поттикне здрава конкурентност, да се прошири изборот и да се воведат подобри цени за корисниците на финансиски услуги. Со отворено банкарство и PSD2, Европа стана централна област за лансирање на финтехнолошки компании. Во 2020 година, европските fintech компании планираат да се прошират на американскиот пазар на кои сакаат да се приближат до физичките лица, но и до деловните субјекти.
Целта на fintech стартапите во Северна Америка е да им го олеснат излезот на компаниите на пазарот. САД, кои многумина ги сметаат дека се лулка на стартап културата, на своите јаки пазари им овозможува на глобалните дигитални компании лесно да интегрираат услуги, раздвојувајќи и спојувајќи решенија. Дигиталните гиганти, fintech компаните и вработените создаваат нови искуства за плаќање, поставувајќи не само глобални трендови, туку и општо прифатени стандарди.
Компаниите во Азија се мотивирани нивните успешно финансирани стартапи да станат дел од глобалните супер-апликации. Во Индонезија стартапите профитираат на најголемата интернет економија во регионот, која во изминатите пет години повеќе од двојно се зголемила достигнувајќи вредност од неверојатни 40 милијарди долари.
Компаниите кои својот бизнис го засноваат на дигитални решенија, а имаат голем број на корисници полека влегуваат на пазарот на финансиски услуги и активно работат со сродни компании кои можат да им помогнат во понатамошниот развој.
