Норвешкиот нафтен гигант Equinor вчера објави дека се откажува од плановите за експлоатација на нафта во Големиот австралиски залив на југот на земјата.
Од компанијата соопштија дека идејата „не е комерцијално конкурентна“.
По British Petroleum и Chevron, Equinor е трета голема нафтена компанија која се откажа од бушењето во тој регион од 2016 година до денес.
Австралискиот министер за ресурси Кит Пит ја опиша одлуката како економски „исклучително разочарувачка“, но посочи дека владата останува посветена да изврши притисок за нови предлози за дупчење во потрагата по нафта и гас.
Компанијата на овој чекор се одлучи по силното спротивставување од групите за зачувување на животната средина низ целата земја, кои тврдат дека морскиот парк не смее да се претвора во ново нафтено поле.