Инвестирајте како Ворен Бафет со помош на три општи правила

Постојат повеќе причини поради кои би можеле да одлучите да инвестирате во одредена компанија.

Сепак, милијардерот и директор во Berkshire Hathaway, Ворен Бафет, вели дека треба да се избегнува „насобирање на акции“ затоа што мислиме дека вредноста ќе им скокне.

Како што вели, дури ни најдобрите инвеститори не се во состојба да предвидат како ќе се однесува пазарот.

„Наместо тоа, треба да инвестирате во компании кои ги познавате и разбирате и за кои верувате дека ќе имаат долгорочна вредност“, вели Бафет.

Без разлика на тоа колку малку или многу акции купувате, би требало секогаш да бидете во можност на хартија да ставите образложение за секоја своја инвестиција – зошто планирате да инвестирате токму во таа компанија, советува Бафет.

Исто така, не мисли дека инвеститорите би требало да се грижат за тоа како акциите ќе се однесуваат на краток рок. Наместо тоа, Бафет препорачува да се фокусираме на деловните активности кои ќе ја задржат својата вредност со текот на времето.

Како што еднаш изјави, „никој не купува фарма врз основа на тоа дали мисли дека следната година ќе биде дождлива“.

Бафет следи три општи правила при одлучувањето во кои компании ќе инвестира.

„Прво, мора да бидат профитабилни. Второ, нив мора да ги управуваат способни и чесни менаџери и акциите мора да бидат достапни по разумна цена“, напиша тој во годишното писмо до акционерите за 2019 година.