Нова банкнота од 20 фунти со ликот на уметникот Вилијам Тарнер ќе се појави од утре во банкоматите и платниот промет во Велика Британија. Оваа банкнота е прогласена за „најбезбедна банкнота досега“.
Полимерот ќе ја замени претходната хартиена банкнота од 20 фунти. Новата банкнота содржи два прозорци и две фолии во боја за да се спречи фалсификување.
Банката очекува половина од сите банкомати низ Велика Британија за само две недели да издадат полимерни банкноти од 20 фунти.
Банката на Англија веќе пушти во оптек полимерни банкноти од 5 и 10 фунти, а нова полимерна банкнота од 50 фунти ќе биде издадена следната година.
Гувернерот на Банката на Англија, Марк Карни, изјави: „Нашите банкноти слават исклучително богато и разновидно наследство на Велика Британија и ги истакнуваат придонесите на нејзините најголеми граѓани. Уметноста на Тарнер беше трансформативна. Задоволен сум што се случи најверојатно највлијателниот британски уметник на сите времиња да се појави на уште две милијарди уметнички дела – нови банкноти од 20 фунти кои луѓето ќе можат да започнат да ги користат од денес“.
