Од коронавирусот (ковид-19) досега починале 2.126 лица, заразени се 75.600, а во последните 24 часа во кинеската провинција Хубеи, каде за прв пат се појави вирусот, се разболеле уште 349 лица, што е најмал број во текот на еден ден.
Сепак, експертите велат дека ова најверојатно се должи на промената во разбирањето на тоа што е „потврден случај на вирусот“, дека според најновите упатства на кинеската влада повеќе нема да брои клинички дијагностицирани пациенти, туку само лабораториски, додека другите ќе се сметаат за сомнителни случаи, пренесува Си-Ен-Ен.
