Британската компанија Jaguar Land Rover поради коронавирусот, за производство на своите автомобили, во куфери носела делови од Кина.
Компанијата соопшти дека и покрај напорите, набавката на делови би можела да биде целосно запрена за две недели.
„Ние сме безбедни за оваа недела, па и следната, но за третата ќе ни недостасуваат делови“, изјави директорот на групацијата, Ралф Спет, на настан во Ковентри.
Тој додаде дека со куфери летале од Кина кон Велика Британија.
JLR е најголемиот производител на автомобили во Велика Британија со три фабрики кои произведуваат скоро 400.000 возила годишно.
