Вредноста на компанијата Tesla е во пораст во последно време, и може да се каже дека ова е еден од најдобриот период за директорот на компанијата, Елон Маск.
Вкупната пазарна вредност на производителот на електрични автомобили е околу 140 милијарди долари, откако во јануари ја надмина границата од 100 милијарди. До раст на вредноста дојде по добрите резултати на продажба и отворањето на фабрика во Кина.
Интересно е што до ова доаѓа по многу тежок период за Маск, за време на кој многумина се сомневаа дека тој ќе успее да ги оствари производствените цели и да ја води компанијата на патот кон профитабилноста.
Чарли Мангер, милијардер и потпретседател на Berkshire Hathaway, овие денови даде интересен коментар за Маск.
„Никогаш не го потценувајте човекот кој се преценува себеси. Мислам дека Елон Маск е специфичен и дека можеби се преценува себеси, но можеби и не греши цело време“, изјави Мангер.
Интересно е што тој изјави дека не би го вработил Маск.
„Сакам некој кој ги разбира своите ограничувања, а не некој кој не ги разбира. Од друга страна, научив во животот нешто многу важно… Тие чудни момци кои се преценуваат повремено прават феноменални работи“, изјави Мангер.
