Последните модели на германскиот производител на автомобили „Mercedes“ неможе да се продаваат на територијата на Франција. Причината за тоа е системот за ладење во кој имаат ставено средство за кое ЕУ наведува дека емитира претерана количина на штетни плинови и тоа треба да биде заменето.
„Само новите автомобили се предмет на оваа мерка“, стои во соопштението од компанијата.
Од 1-ви јануари оваа година според регулативите на ЕУ производителите на автомобили мораат да користат многу почисто средство за ладење – „R1234if“, кое предизвикува помалку загадување.
Меѓутоа германскиот гигант и натаму се држи до старата течност „R134a“ и тврди дека истражувањата покажале дека новиот плин може полесно да се запали и дека возилата се во поголем ризик да експлодираат во случај на незгода.
Од „Mercedes“ нагласуваат дека ќе продолжат да го користат стариот производ и се надеваат дека во наредните години на пазарот ќе биде достапна посигурна верзија.
Освен Франција ниту една друга земја не е против употребата на старото средство во возилата на германскиот производител, меѓутоа Европската комисија му се закани на „Mercedes“ со сериозни санкции поради употребата на забранетото средство.