28 март, 2024
ПочетнаЕКОНОМИЈАПчеларски симпозиум во Скопје – најава за нов проект во македонското пчеларство

Пчеларски симпозиум во Скопје – најава за нов проект во македонското пчеларство

Пчеларската федерација на Македонија (ПФМ), Здружението за социјално претприемништво и одржлив развој АПИСЕЕД – Скопје и Здружението за одржлив социо-економски развој „Изгрејсонце“ денеска организираат Пчеларски симпозиум на тема „Употребата на пчеларството и агрошумарството како ресурси за одржлив развој“.

Пчеларскиот симпозиум, како што информираат организаторите, е основа за почеток на обемен проект во кој покрај пчеларите, пчелите и нивните продукти, ќе бидат земени предвид и социо-економските структури, природата, екосистемот, како и добивањето квалитетни финални производи за крајните потрошувачи.

На симпозиумот ќе учествуваат меѓународни експерти од областа на пчеларството, здравјето на пчелите и медицината базирана на пчели (апикултура).

Ќе бидат одржани две предавања, првото на тема „Процесот на стандардизација и комерцијализација на пчелните производи” од Роч Домерего, редовен професор на Факултетот за медицина „Каликсто Гарсија“ во Хавана, Куба, и второто „Пчеларството и агрошумарството како потпора на локалниот економски развој” од Тибо Лемуан, проектен менаџер.

На Пчеларскиот симпозиум се поканети сите пчелари од земјава и организации заинтересирани за областа. Генерални покровители се Француската амбасада во Скопје и Министерството за земјоделство.

НАЈНОВИ ВЕСТИ

ХОРОСКОП