Најлошиот ден во неделата за многумина е понеделник, a причини за тоа има многу. Враќање на работа, почеток на нова недела, нови работни обврски, задачи итн.
Сепак, понеделник не мора воопшто да биде страшен, а се зависи од вас самите.
Затоа, наместо самите на себе да си вршите притисок од раните утрински часови, започнете го понеделникот колку што е можно на помирен начин. Ако е потребно, станете порано за во мир да го испиете првото утринско кафе и добро да се подготвите за новата недела и сите обврски кои ве чекаат.
Започнете со бавно темпо
Иако многумина советуваат дека најтешките задачи треба прво да се направат, обидете се спротивно. Со оглед на тоа дека понеделникот е веќе доволно тежок сам по себе, оставете ги оние најтешки задачи за остатокот од неделата или барем за попладневните часови.
Пронајдете нешто на што се радувате
За да се радувате на понеделник, направете нешто што ќе ве направи среќни. На пример, ветете си самите себе дека ќе одите подоцна на шопинг или ќе одите во парфимерија или на пауза за ручек ќе изедете колач во својата омилена слаткарница. На тој начин ќе го „преживеете“ понеделникот многу полесно.
Променете ја својата рутина
За да го направите понеделник помалку досаден, не дозволувајте секој ден да ви биде ист. Во секој свој работен ден воведете нешто ново или различно.
Неделата искористете ја максимално
За понеделникот да биде добар, исто така е важно и на кој начин сте го поминале претходниот ден. Затоа, неделата искористете ја до максимум. Уживајте, одморете се и опуштете се или поминете го денот во природа.
Бидете самите себе на прво место
Последна, но не и најмалку важна работа е дека самите себе би требало да бидете на прво место, и тоа не само во понеделник. Но, времето во понеделник, кога ќе се вратите дома од работа, посебно посветете внимание на себе. Дозволете си бања, гледајте го својот омилен филм или одете на масажа.
