Франкфуртскиот банкарски центар е еден од победниците од излегувањето на Велика Британија од Европската унија, кое е објавено во петокот, покажува истражувањето на Landesbank Hessen-Thüringen (Helaba).
Повеќе од 30 странски банки ја донесоа својата одлука во корист на германскиот финансиски центар, изјави во средата аналитичарка во Helaba, Улрике Бишоф, за новинската агенција Reuters.
– Ниту еден друг банкарски центар не може да држи чекор. Финансиските компании кои претходно работеа во Лондон, мораат да изградат основа во континентална Европа, поради излегувањето на Велика Британија од Европската унија, со цел да продолжат да ги нудат своите услуги во иднина, изјави таа.
Поради Брегзит, до крајот на 2021 година, во франкфурските кули најверојатно ќе бидат отворени околу 3.500 нови работни места, вели Бишоф, која со години го анализира развојот на најважниот германски финансиски центар.
Тоа би требало да бидат повеќе работни места отколку што би требало да бидат отстранети со реструктуирање на банкарското опкружување.
– Со оглед на првичниот датум на излегување, веќе дојде до значително зголемување на вработените предизвикани од Брегзит и ќе продолжи на среден рок, особено затоа што постои период на транзиција, изјави Бишоф.
