Цените на нафтата денес се во пад поради загриженоста од влијанието на коронавирусот врз економијата.
Во Лондон, цената на суровата нафта “брент” од Северното Море е помала за 1,08 долари и сега е 58,73 долари за барел.
Во Њујорк, цената на светлата сурова нафта падна за 89 центи и изнесува 52,44 долари за барел.
Земји низ целиот свет започнаа со изолирање на стотици граѓани евакуирани од кинескиот град Вухан, за да се спречи ширење на епидемија на болеста од која досега умреа 170 луѓе.
