Градскиот совет на Њујорк изгласа забрана за продавници и ресторани без готовина, тврдејќи дека ги дискриминираат небанкарските потрошувачи.
Советот изгласа предлог закон со кој се бара продавниците во градот да прифатат американски банкноти и монети или ќе се соочат со казни до 1.000 долари за прв прекршок и 1.500 долари за понатамошни престапи.
Се очекува градоначалникот Бил де Блазио да ја потпише одлуката.
Употребата на готовина се намалува во многу области, бидејќи Американците сè повеќе користат картички и можности за плаќање преку мобилен уред, како што е Apple Pay. Тоа ги принуди некои фирми да забранат готовина, бидејќи е скапо да се процесираат.
Меѓутоа, има промена во однос на трендот, а противниците тврдат дека на овој начин се прави дискриминација на небанкарските, посиромашните членови на општеството кои немаат пристап до кредитни картички или банкарски сметки.
Њујорк ги следи стапките на Филаделфија и Сан Франциско, а исто така во тек се и чекори за забрана на продавници кои не примаат готовина во Вашингтон и Чикаго.
