Јапонската влада одлучи да започне подготовки за воведување мобилна мрежа на шеста генерација (6G).
Намерата на Јапонија е таа ултра брза мрежа во Јапонија да започне со работа во 2030 година.
За таа цел, формирана е експертска комисија составена од технички експерти, претставници на приватни компании и надлежни јавни институции, чија задача е да се развие сложена стратегија за премин кон новиот формат.
Системот за комуникација на петтата генерација (5G) оваа пролет широко ќе се користи во Јапонија. Во ова, земјата заостанува зад САД и Јужна Кореја, каде веќе започна употребата на 5G.
Новинската агенција Kyodo пишува дека владата, во соработка со економијата, сака да го надомести тој заостаток и да преземе водечка улога во преминувањето кон уште побрз и побезбеден систем на шестата генерација. Широката употреба на 6G системот се очекува особено во автономните возила без возач.
