На врвот на листата најмоќни земји во светот и во 2020 година се САД. Следува Русија, а на третото место е Кина. Листата е направена врз основа на влијание на државата, како и нивната политика, економска и воена моќ. Листата од 80 најмоќни држави на светот се темели на одговорите на 21.000 луѓе, а ја направи медиумската компанија „УС њуз и ворлд рипорт“.
На списокот од 80 најмоќни земји се најдоа и Србија, Хрватска и Словенија, пренесе „Индекс“. Од земјите на поранешна Југославија најдобро е пласирана Србија, која го зазеде 44. место за разлика од минатогодишното 52. место, а е опишана како мала држава во центарот на Југоисточна Европа, со богата воена историја уште од времето на средниот век.
Хрватска се најде на 67. место, што е подобра позиција во однос на минатогодишното 75. место. За неа „УС њуз“ пишува: Хрватска настана на крстосницата на големите историски движења од исток и запад. Политичките промени ги променија нејзините денешни граници, кои ја обиколуваат Босна и Херцеговина и се протегаат преку Јадранското Море до Италија.
Словенија се наоѓа на крајот на листата, на 73. место.
Првите десет позиции ги зазедоа овие држави:
10. Саудиска Арабија
9. Јужна Кореја
8. Израел
7. Јапонија
6. Франција
5. Обединетото Кралство
4. Германија
3. Кина
2. Русија
1. САД