Најбогатиот Французин, сопственик и директор на LVMH, Бернар Арно, го надмина Џеф Безос и стана најбогатиот човек на планетата, според “real time” листата на Forbes.
Нето активата на Арно сега се проценува на 117 милијарди долари, откако акциите на неговиот конгломерат LVMH за луксузни производи пораснаа за 1,66 проценти во петокот, што доведе до скок на листата, која се ажурира во реално време.
Од друга страна, Amazon во последната трговска сесија во петокот изгуби 0,7 проценти од својата вредност, што доведе пад на Безос на второто место со 115,6 милијарди долари.
Основачот на Microsoft, Бил Гејтс остана на третото место на листата со 110,6 милијарди долари.
Forbes посочува дека Гејтс и понатаму би бил на врвот на списокот на најбогатите „доколку не донираше 35,8 милијарди во текот на животот во добротворни цели, а и понатаму продолжува со тоа“.
