Аеродромот Sheremetyevo – Alexander S. Pushkin International Airport е прогласен за најточен меѓународен аеродром во светот, а руски Aeroflot за глобален превозник кој најмалку доцни, објави британски Daily Mail.
Извештајот на On-Time Performance Review секоја година го составува аналитичката фирма Cirium, која наведува дека Aeroflot во 2019 година бил подобар од јапонскиот All Nippon Airways, кој беше на второто место, и од трето рангираниот американскиот Delta Air Lines.
Cirium следи над 100.000 пристигнувања и поаѓања, а верува дека авионот е точен ако пристигне на портата во рок од 15 минути од закажаното време на летот.
Според тие податоци, летовите на Aeroflot навреме пристигнале во 86,7 проценти од случаите, додека на Sheremetyevo навреме полетале и слетале во над 95 проценти од случаите.
Седум од топ десет најпрецизни аеродроми во светот се наоѓаат во Кина.
Нискобуџетните авиокомпании се рангирани одделно, а најпрецизна е јапонската StarFlier, која исполнила 91,4 проценти од распоредот на летање.
Порталот AirlineRatings.com објави дека минатата година Qantas, Air New Zealand и EVA Air биле трите најбезбедни авиокомпании во светот.
Меѓу дваесетте најбезбедни компании се и превозниците како што се Etihad, Qatar Airways, Singapore Airlines, Emirates, Alaska Airlines, Cathay Pacific Airways, Virgin Australia и Hawaiian Airlines.
На страницата се наведени и десет најбезбедни нискобуџетни како што се Air Arabia, Flybe, Frontier, HK Express, IndiGo, JetBlue, Volaris, Vueling, VestJet и Wizz Air.
