Холандските банки преку ноќ ги исклучуваат банкоматите, во борбата против нападите на криминалните банди кои користат се потешки експлозивни направи за упад во благајните.
Потегот со кој се исклучуваат банкоматите секоја вечер помеѓу 11 и 7 часот следува после одлуката на ABN AMRO претходно овој месец да затвори и да испразни 479 ATM уреди како итен одговор за остриот пораст на експлозивни напади.
Geldmaat, управувач на заедничка мрежа на банкомати на холандскиот банкарски сектор, вели дека ноќните прекинувања на работата на банкоматите ќе стапат на сила веднаш. Компанијата, исто така ќе ги премести сите парични точки кои претставуваат зголемен ризик за жителите во близина и ќе ги смести на побезбедни места.
Оваа фирма соработува со De Nederlandsche Bank и полицијата за спроведување нови мерки поради кои банкнотите ќе бидат бескорисни ако ги украдат криминалци.
„Тепачките на локации за подигнување на готовина го поткопуваат општеството“, објаснува Крис Бујинк, претседател на банкарското здружение.
„Само стоиме и гледаме како се случуваат експлозии во земјата на секои неколку дена, особено во близина на домовите на луѓето“.
Тој вели дека затворањето на локации за готовина во ноќта треба да има мал ефект на достапноста на готовина, затоа што помалку од два проценти од повлекувањето на готовина на локации на отворено се вршат во текот на ноќта.
