Кои се фирмите кои добиле најмногу пари од државните инситуции во Ноемри?! Бројките на порталот „Отворени финансии“ покажуваат дека компанијата Окта АД Скопје – за станбена изградба е прва на листата на примачи на пари од државна институција во минатиот месец. Компанијата добила речиси 10,2 милиони евра од Дирекцијата за задолжителни резерви на нафта од контото – други стратешки резерви.
Од ова исто конто истата државна институција исплатила уште 1,95 милиони евра на клиент во Комерцијална банка АД Скопје, а со цел измирување на негови обврски кон Комерцијална банка.
В топ пет најголеми примачи на пари од буџетот се и фирмата „39 Подгорка Подгорци“, која примила 2 милиони евра од Агенцијата за финансиска поддршка на земјоделието од конто – капитални субвенции за приватни нефинансиски претпријатија. „Арс ламина“ добила 2,1 милион евра од Министерството за образование под конто наставно – образовни помагала. А во најголемите примачи на буџетски пари е и државната „МЕР“- добила 1,87 милиони евра од Министерството за транспорт и врски за гасификацијата.
Прв на листата пет најголеми даватели на пари од државните институции е Фондот за пензиско кој во ноември префрлил 65,2 милиони евра. Следува Министерството за труд со 43,8 милиони евра, па Фондот за здравство со 24,7 милиони евра. Министерството за образование е четвртата институција со најголем трансфер на пари од 21 милион евра и последно е Министерството за здравство кое во ноември префрлило 4,9 милиони евра.
