Владимир Путин и германската канцеларка Ангела Меркел разговарале телефонски за гасоводот „Северен тек 2“ и испораките на природен гас во Европа преку Украина.
„Во фокус беа прашањата за соработка во секторот за гас кои се важни за обезбедување на енергетската безбедност на земјите од Европската Унија, вклучително во овој контекст и перспективите за транзит на рускиот природен гас преку Украина по 1 јануари 2020 година и спроведувањето на проектот „Северен тек 2″, се вели во соопштението за печатот од прес службата на Кремљ.
Покрај тоа, разговарале за либиската криза, нагласувајќи ја важноста за спречување на натамошно влошување на ситуацијата и потребата за продолжување на мирен дијалог, се вели во соопштението.
