Шефовите на државите на ЕУ ги продолжија економските санкции за шест месеци кон Русија воведени во 2014 година по руската анексијата на Крим, соопшти Претседателството на Европскиот совет.
Одлуката е донесена на самитот на ЕУ во Брисел, неколку дена по состанокот во Париз за враќање на мирот во Украина, на кој присуствуваа украинскиот и рускиот претседател и лидерите на Франција и Германија.
Состанокот не донесе голем успех во решавањето на конфликтот, а за четири месеци е закажана нова средба во ист формат.
За пет години, економските санкции се применуваат во секторот за нафта, одбраната и руските банки. Последен пат, тие беа продолжени за шест месеци во јуни, а продолжувањето бара едногласна одлука од страна на земјите од ЕУ.