6 април, 2025
ПочетнаЕКОНОМИЈАТрошоците за храна во ЕУ учествуваат со 12 проценти од буџетот на...

Трошоците за храна во ЕУ учествуваат со 12 проценти од буџетот на домаќинствата

Трошоците за храна на домаќинствата во земјите на Европската Унија учествуваат со просечно 12,1 проценти од нивните вкупни расходи, според податоците на Eurostat.

Резултатите од истражувањето, објавени на официјалната интернет страница на Eurostat, покажуваат дека домаќинствата на ЕУ потрошиле 1.047 милијарди евра за храна и безалкохолни пијалоци во 2018 година, што претставува 6,6 проценти од бруто домашниот производ на 28-члениот блок.

Трошоците за храна се третата најголема ставка во вкупната потрошувачка на домаќинствата во ЕУ, по расходите за стан, вода, електрична енергија, гас и други горива, кои учествуваат со 24 проценти од буџетот на домаќинствата и транспортот со учество од 13,2 проценти.

Во 2018 година, храна и безалкохолни пијалоци најскапо плаќале домаќинствата во Романија, кои трошеле дури 27,8 проценти од буџетот на домаќинствата, а најевтино поминале британските домаќинства, каде што три трошоци учествувале со само 7,8 проценти од вкупните расходи за домаќинствата.

Кога станува збор за земјите од поранешна СФРЈ, храната и безалкохолните пијалоци биле голема ставка минатата година во вкупните расходи за домаќинства во Црна Гора со удел од 24,8 проценти, во Србија со 24 проценти, во Хрватска учествувале со 18,8 проценти, а во Словенија 14 проценти од вкупните трошоци на домаќинствата.

Во студијата не се дадени податоци за нашата држава и за Босна и Херцеговина.

НАЈНОВИ ВЕСТИ

ХОРОСКОП