ОН: Идната година ќе биде потребна хуманитарна помош за рекордни 168 милиони луѓе

Хуманитарна помош ќе биде потребна за рекордни 168 милиони луѓе во 2020 година, или едно лице на 45 во светот, се вели во извештајот на ОН. Бројот на луѓе на раб на егзистенција е зголемен за 22 милиони од минатата година, поради насилни и долготрајни судири, климатските промени и економска нестабилност.

ОН и партнерски невладини организации планираат да им помогнат на 109 милиони од најранливите во 55 земји следната година, за што се потребни 29 милијарди американски долари.