Трговците во Австрија се надеваат дека приходите од божиќното работење ќе бидат барем на ниво од минатата година.
„Ќе бидеме многу благодарни за стабилниот обрт“, истакна раководителката на секторот за трговија на австриската трговска комора Ирис Талбауер.
Минатата година, прометот во периодот пред Божиќ достигна 1,53 милијарди евра, од кои 112 милиони евра спаѓаат на домашни онлајн продавници. Се проценува дека Австријците минатата година потрошиле 130 милиони евра за Божиќни подароци купени преку странски онлајн продавници.
Огромното мнозинство на трговците на мало очекуваат стабилно божиќно работење, а само 15 проценти веруваат дека минатогодишниот обрт ќе биде надминат. Особено оптимистични се претприемачите кои продаваат книги. Трговијата на електрични апарати, облека и козметика, од друга страна, очекуваат ист обрт како минатата година во предбожиќниот период.
