Европската комисија денеска соопшти дека ја тужела Данска поради тоа што не ја прекинала праксата на домашните компании да прават и извезуваат бело сирење надвор од ЕУ под етикетата „фета“.
Со тоа, според Комисијата, се прекршени правилата според кои употребата на името „фета“ е ограничено само на сирења со потекло од Грција, пренесува Reuters.
Комисијата уште во јануари 2018 година по тој повод покрена прекршочна постапка против Данска, а сега соопшти дека земјата не го решила ова прашање.
Сирењето „фета“ има ознака заштитено географско потекло во ЕУ од 2002 година, и како такво може да се произведува само во Грција според утврдениот технолошки процес на производство.
