Проектот за гасоводот „Северен тек 2“ за испорака на руски гас во Германија и Европа, ќе започне со работа кон средината на 2020 година, изјави потпреседателот на руската влада Дмитриј Козак.
Тој не достави никакви други детали за точниот датум на пуштање во употреба на гасоводот, пренесува RT.
Претходно, рускиот министер за енергетика Александар Новак изјави дека испораките на гас на „Северен тек 2“ би можеле да започнат во наредните месеци. До денес се изградени повеќе од 80 проценти од гасоводот „Северен тек 2“, кој ќе пренесува руски гас преку цевководот поставен по дното на Балтичкото Море до Германија.
Проектот треба да заврши пред крајот на 2019 година. Извршниот директор на Газпром, Алексеј Милер претходно изјави дека откако Данска дала дозвола да се изгради дел од гасоводот преку нејзините територијални води, ќе бидат потребни околу пет недели за да се заврши проектот. Данска го одобри тоа на 30 октомври, отстранувајќи ја последната голема пречка за завршување на рускиот проект за гас.
