Рускиот претседател Владимир Путин изјави дека е можно некои источноевропски земји да размислуваат за излегување од ЕУ во наредните неколку години.
Путин тоа го изјави пред учесниците на форумот „Russia Calling“ и потсети дека раздорот внатре во ЕУ започна поради системот за распределба на средства кој предвидува значајна поддршка во износ од неколку десетици милијарди евра за „земји кои сè уште не достигнале одредено ниво на економски развој“.
„Некаде околу 2028 година, некои источноевропски земји ќе достигнат такво ниво на економски развој поради што ќе мора да плаќаат. Не сум сигурен дека тогаш не би го повториле размуслувањето на Велика Британија (за напуштање на ЕУ)“, изјави Путин.
