Кинеската централна банка ја намали каматната стапка за краткорочни заеми за прв пат во последните четири години, во обид да го засили слабиот економски раст во контекст на затегнатиот трговски конфликт со Соединетите држави.
Во понеделникот, Народната банка на Кина ја намали каматната стапка за задолжување до седум дена, на 2,50 проценти, од 2,55 проценти. Тоа е прво намалување на таа каматна стапка од октомври 2015 година.
Во контекст на бавниот раст на втората најголема светска економија во скоро три децении, кинеската централна банка на почетокот на месецот за прв пат од 2016 година ја намали каматната стапка за среднорочното задолжување. Каматната стапка на заемите со рок на враќање од една година, исто така, е намалена за 0,05 процентни поени, на 3,25 проценти.
