Coinbase Card лансираше картички во 10 нови земји па сега ги има вкупно 29, најавувајќи дека клиентите можат да трошат дигитални пари користејќи пет дополнителни валути, вклучувајќи ги XRP и BAT.
Корисниците на Coinbase во Бугарија, Хрватска, Данска, Унгарија, Исланд, Лихтенштајн, Норвешка, Полска, Романија и Шведска, сега ќе можат да ги трошат своите крипто средства со користење на бесконтактна дебитна Visa картичка на милиони локации низ целиот свет.
Компанијата, исто така го удвои бројот на достапни валути за потрошувачка – од 4 на 9. Ripple XRP, Basic Attention Token (BAT), Augur (REP), Stellar Lumens (XLM) и 0x (ZRX) паричниците сега можат да се користат за купување. Овие пет нови криптовалути се придружуваат на валутите Bitcoin (BTC) Ethereum (ETH), Bitcoin Cash (BCH) и Litecoin (LTC).
