Франција потврди дека има намера да испрати официјална покана до Русија да учествува во реконструкцијата на катедралата Нотр Дам во Париз, која во април настрада во голем пожар, соопшти специјалниот претставник на претседателот на Русија, за меѓународна културна соработка, Михаил Свидкој.
Како што истакна, преговорите траеле во текот на целата година, при што самата Москва понудила помош.
Според неговите зборови, одлуката на Париз зборува за признавањето на вредноста на руската наука.
Нотр Дам, познатата париска катедрала од средниот век, ремек дело и симбол на христијанската цивилизација, настрада на 15 април во голем пожар. Самата зграда и поголемите уметнички дела, како и моштите кои се чуваат во катедралата, го преживеаа пожарот.
Претседателот на Франција, Емануел Макрон изјави дека има намера да ја обнови Нотр Дам во рок од пет години. Луѓето ширум светот, владите и милијардерите донираа огромни суми пари за обнова на катедралата.
