Државните субјекти во Кина, наводно, размислуваат да инвестираат 10 милијарди долари во Saudi Aramco на најавената почетна јавна понуда на акциите(IPO).
Фондот „Свилен пат“, кинескиот државен инвестициски фонд, Sinopec, кинеската државна компанија за нафта и гас, како и суверениот фонд China Investment Corporation, се некои од заинтересираните субјекти кои преговараат за инвестирање во IPO на Aramco, објави вчера Bloomberg без да ги наведе своите извори.
Меѓутоа, американската агенција наведува дека последниот збор за тоа ќе го има кинеската влада, додека споменатите компании не сакаа да ја коментираат таа приказна.
Вчера беше најавено дека Aramco ќе го најави опсегот на цени за IPO на 17-ти ноември.
