Продажбата на возилата на „Porsche“ и натаму се движи во нагорна линија. Со 81.500 продадени автомобили во првата половина од годината, германскиот производител „Porsche“ забележа раст во продажбата од 18 проценти во однос на минатата година.
Овој раст овозможи соборување на рекордот по бројот на продадени возила во текот на првата половина од годината. А тоа значи дека оваа година засега е најуспешната во историјата на оваа компанија.
Според информациите кои пристигнуваат од „Porsche“ за првите шест месеци од 2013-та година најпродавани се моделите „Cayenne“, „Panamera“ и новиот 911. Зголемена продажба е остварено на сите светски пазари.
