Официјална Москва отпиша повеќе од 20 милијарди долари долг кои африканските земји го акумулирале за време на советската ера, изјави рускиот претседател Владимир Путин.
„Тоа не е само чин на дарежливост, туку е и манифестација на прагматизам, затоа што многу африкански земји не се во можност да плаќаат камата на овие заеми“, изјави Путин пред руско-африканскиот форум во Сочи.
Обраќајки се подоцна на учесниците во форумот, Путин повика трговијата меѓу Русија и африканските земји да се удвои во следните четири до пет години.
Првиот руско-африкански самит собра повеќе од 50 африкански лидери во Сочи.
