Велика Британија и понатаму може да ја напушти Европската унија во рок од 10 дена, изјави денеска француската министерка за економски прашања Агнес Панија-Рунад.
„Не може да се исклучи Брегзит во рок од 10 дена“, изјави Агнес за Sud Radio, оценувајќи дека е постигнат општ напредок.
Истакна и дека многу малите француски компании, сепак треба да се подготват во случај на Брегзит без договор, објави Reuters.
Британската влада инсистира земјата да ја напушти Европската унија на 31 октомври, и покрај писмото што премиерот Борис Џонсон беше приморен да го испрати на барање од парламентот во кое од Брисел се бара да го одложи Брегзит.
