Европските и британските преговарачи не успеаа да остварат напредок во преговорите за Брегзит во текот на целоноќните разговори и ќе продолжат да бараат компромис пред утрешниот самит на ЕУ.
Еден претставник на ЕУ изјави дека „разговорите траеле до длабоко во ноќта и дека ќе продолжат и денес“.
Двете страни се надеваа дека по повеќе од три години разговори, лажни достигнувања и ненадејни пресврти можно е да се изготви договор за уредниот излез на Велика Британија од ЕУ.
Утрешниот самит на ЕУ се одржува само две недели пред планираниот датум за Брегзит, 31 октомври.
