Цената на свинското месо во Кина во текот на септември скокна дури за 69,3 проценти во однос на минатата година, објави CNBC.
Најнаселената земја во светот се соочува со недостиг од свинско месо по појавата на епидемија на африканска свинска треска.
Минатиот месец порастот на цените на свинското месо беше поголем во однос на скокот од 46,7 проценти забележан во август, според податоците на кинескиот Национален завод за статистика.
Тоа ги зголеми цените на храната за 11,2 проценти во септември, забрзувајќи го растот на цените кој минатиот месец изнесуваше 10 проценти.
Порастот на цените на свинско месо е главната причина за целокупниот пораст на цените на потрошувачките производи во Кина.