Најниска минимална плата во земјите од регионот добиваат вработените во нашата земја, 203 евра.
Според најновите расположливи податоци, минимaлецот во Босна и Херцеговина е 208 евра, во Албанија 211 евра, а во Црна Гора од неодамна се зголеми на 222 евра.
Во Србија, најниската плата во моментов изнесува околу 230 евра, но следната година се очекува да се зголеми за 11 проценти, така што од први јануари ќе се зголеми на 255 евра.
Поранешните југословенски републики кои добија членство во Европската Унија, како Хрватска и Словенија, имаат значително повисоки минимални плати.
Хрватските работници, можат да заработат најмалку 405 евра месечно, додека во Словенија минималецот значително ја надминува просечната плата во повеќето земји во регионот со износ од 667 евра.
